Trepça ka shënuar fitore në ndeshjen kryesore të javës së 24-të në Superligën e Kosovës në basketboll.
Mitrovicasit triumfuan ndaj Sigal Prishtinës me rezultat 78:75 në ndeshjen e zhvilluar në Pallatin e Rinisë dhe Sporteve në kryeqytet.
Dueli ishte i barazpeshuar dhe sekondat e fundit e vendosën fituesin.
Një treshe fillimisht nga Muhamedali Janjeva barazoi shifrat kur kishin mbetur edhe nëntë sekonda për t’u luajtur.
Megjithatë Capers me 2 pikë dhe një gjuajtje të lirë ia dha fitoren mysafirëve.
Me këtë fitore, Trepça vazhdon të kryesojë renditjen tabelare me 44 pikë, shkruan Lajmi.net
Në anën tjetër, Sigal Prishtina mbetet e 3-ta me 37 sosh.
