Golden Eagle Ylli ka shënuar fitore në ndeshjen e parë çerekfinale të “Play-off”-it ndaj Bashkimit me rezultat 87:69.
Pas një fillimi ku u shënuan pak pikë, skuadrat filluan të jenë efikase në sulm, megjithatë, çereku i parë përfundon 18:18.
Vendasit ishin më shumë produktivë në periudhën e 2-të, duke qenë më të mirë se mysafirët, derisa shkuan në pushim me rezultat 41:32.
Por, prizrenasit nuk u dorëzuan dhe filluan të shkrijnë epërsinë, që shkoi deri në 3 pikë, derisa shifrat pas 30 minutash ishin 59:54.
Në dhjetë minutat e fundit, Ylli u tregua më i vëmendshëm, për tu shkëputur dhe për të triumfuar 87:69, shkruan Klan Kosova.
Te vendasit u dalluan Alonzo Verge Jr me 26 pikë, 7 kërcime e 12 asistime dhe Nate Grimes me 13 pikë e 14 kërcime, kurse te prizrenasit më i miri ishte Lejson Zeqiri me 19 pikë e 3 kërcime.
