KF Gjilani përmes një njoftimi zyrtar në rrjetin social Facebook, sot e martë njoftoi se kanë arritur marrëveshje me futbollistin Leunit Sahitaj.
Gjilani ka qenë një ndër ekipet më aktive këtë afat kalimtar duke afruar disa lojtar mjaft cilësorë në radhët e tyre.
Komunikatë zyrtare
Sport Club Gjilani komunikon angazhimin e futbollistit Leunit Sahitaj.
22 vjeçari i lindur dhe zhvilluar në Zvicër është produkt i akademisë së njohur Grasshopper Club Zurich, ndërkohë që debutimin si lojtar profesionist e ka bërë te ekipi tjetër helvet FC Schaffhausen.
Sahitaj luan në pozitën e mesfushorit ofansiv dhe vjen t’i ndihmojë ekipit në objektivat që janë vënë para.
Të gjithë në SC Gjilani i urojnë mirëseardhje Sahitaj dhe i urojnë shumë suksese”, thuhej në njoftimin e Gjilanit, shkruan Telegrafi.
Sahitaj pritet të jetë një forcë shtesë për Gjilanin drejt arritjes së objektivave të klubit këtë sezon.