Nga Osman Goranci:
– U takuan: OCUPAT0R SERBIJA dhe FLY NATO, në magjistralen FREE KOSOVA…
– “Ne, jemi popull qiellor…” – i flisnin dikur botës fqinjët tanë. Nuk e kuptoja dot, pse e okupuan Kosovën, kur kishin mjaft hapësirë, në qiell?!
– Bebet nga Karpatet, assesi të rriten. Ditë e natë qajnë dhe thërrasin: “Beeeee, beeeeee, Kosova është djepi ynë, beeeee…
– Flisnin dikur serbet: Në “Kosmet” jetojnë mbi 400 mijë serbë, 300 mijë romë, 180 mijë goranë, 120 mijë egjyptas, 80 mijë turq, 120 mijë polic e paramilitar… Vallë, ku ishim atëherë ne shqiptarët?
Ishte mesi i viteve të 90-të, kur Sheshel Haga, lancoi parullën: “Sërbija, do Tokija”. Menjëherë m’u parafytyruan japonezët duke bërë h a r a k i r i, në pashallëkun e Beligradit.
– “Ku ka shkel një serb, aty është toka serbe…” Flisnin dikur me plot krenari lidershipi, priftërinjë dhe akademikët serb. Sa e lumtur është bota që ende asnjë serb nuk ka shkel në hënë.
– Po, po! Gjyshi i babës së gjyshit, ishte Daullxhi, babai i gjyshit të babës, ishte Llustraxhi. Gjyshi i babës, ishte Tyfekçi, ndërsa babai i babës ishte Samarxhi. Babain e kishte Teneqexhi, kurse gjatë viteve të 90-ta, Milladini e ndëroi zanatin u bë Naçellnik…
– Klika politike e sërbisë, në vitet e 90-të, e porositi, Klintonin, Olbrajtin, Blerin dhe botën. ”Mos luani me zjarr mbi djepin tonë shekullor, se do të digjeni”. E mbajtën fjalën. E dogjën djepin.
– Që nga viti 99-të, pushtetarët Serb, e ndaluan importimin dhe përdorimin e Wiskit “Johni Walker”. Nuk kishin faj, sepse ua pati përzi mirë, “mezen” Wiliam Wolkeri.
