8 Janari është dita e 8 e vitit. Deri në fund të vitit janë edhe 357 ditë.
8 janar 1324 – Udhëpërshkruesi italian, Marko Polo, i cili erdhi në jetë si djalë i një familjeje tregtare venedikase, vdiq në Venecie në moshën 70-vjeçare.
Udhëtimet e tij të famshme nisën kur Papa Gregori IX urdhëroi babanë dhe xhaxhain e tij që t’i dërgonin një letër Kublai Hanit, sovran i pestë i Perandorisë Mongole. Pasi shëtiti vende të ndryshme të botës për 17 vite radhazi, Marko Polo u kthye në vendlindje dhe 3 vite më vonë mori pjesë në luftën ndërmjet venedikasve dhe gjenovezëve, të cilët e kapën rob. Ndërkohë që mbahej në burg, ai shkroi veprën e famshme aventureske “Udhëtimet e Marko Polos”, ku flet për vendet që kishte parë e shëtitur.
8 janar 1642 – Shkencëtari italian, Galileo Galilei, i konsideruar si një prej themeluesve të fizikës dhe astronomisë moderne, u shua në Arcetri në moshën 79-vjeçare. Pasi shpalli publikisht se Toka rrotullohej përreth Diellit, Galilei u dënua me vdekje nga inkuizicioni; por më pas e tërhoqi këtë tezë dhe jeta iu fal.
8 janar 1916 – Fuqitë Aleate nuk arritën të thyejnë rezistencën turke në Frontin e Çanakalasë, gjatë Luftës I Botërore.
Pas humbjes, njësitë e tyre ushtarake filluan të tërhiqen nga gadishulli i Galipolit. Një ditë më vonë, komandanti gjerman i Armatës 5. të Ushtrisë Osmane, Otto Liman von Sanders, njoftoi me telegram Komandën Qendrore se në Galipoli s’kishte mbetur më asnjë ushtar i Fuqive Aleate. Admirali Uinston Çërçill, komandant i Forcave Detare Britanike, dha dorëheqjen për shkak të dështimit.
