Gëzim Gjini, ka humbur djalin e vetëm të tij, Skofiar Gjinin, 33-vjeç, në një aksident trafiku në Gjakovë të enjten, përcjell InLajmi.
Gëzim Gjini ka thënë se djali i tij kishte qenë në orare pune kur ka humbur jetën në një aksident trafiku me ambulancë.
Gjithashtu ai ka thënë se për vdekjen e Skofiar Gjinit do ta dënoj Ligji ose Kanuni.
Postimi i plotë i tij:
SKOFIAR DJALË HASRETI – DRITA E SYVE!
Pse na ike kështu, pse i la Babë e Nonë, Grua dhe 2 Vajza!?
Përfundoj jeta për Ty por edhe për Ne si Prindër!
Shkove në orar pune të shpëtosh jetë, e humbe jetën tënde!
Këtë shkaktar vdekjeje, lë ta dënoj Ligji ose do ta dënoj Kanuni!
Skofiar të emërova me emër, Skofiar ishe në jetë!
Mr. Skofiar Gëzim Gjini (1989-2022)
Varrimi dhe e pamja, sot, më datë 1 korrik 2022 (e premte) ora 19:00 – Varrezat e Reja, Gjakovë. /InLajmi/
