Një ndryshim ka hyrë në fuqi nga një janari. Bëhet fjalë për Tatimin mbi Vlerën e Shtuar e cila sipas Ligjit për Rimëkëmbje Ekonomike ishte 8%.
Megjithatë ky afat i paraparë me këtë ligj tashmë ka kaluar dhe TVSH-ja është rikthyer në 18%. Gastronomët paralajmërojnë rritje të produkteve sepse edhe çmimet e mallrave të tjera tashmë janë rritur.
Përqindja e tatimit u kthye pas një viti e gjysmë që ishte 8% pasi afati i dhënë sipas Ligjit për Rimëkëmbje Ekonomike tashmë ka skaduar.
Ndërkohë gastronomët deklarojnë se rikthimi i tatimit nga 8 në 18% do të ndikojë në rritjen e çmimeve të pijeve dhe ushqimeve në lokale.
“Për neve është absurde. Ne detyrohemi automatikisht me bo rritje të çmimeve ndryshe s’mundemi me ja dalë”, përcjell RTK.
Nëse s’do të ketë ndryshim të këtij vendimi ata paralajmërojnë protesta.
