Kreu i PSD-së, Dardan Molliqaj ka thënë se mbrojtja e UÇK-së është dertyre e kohës, ku ndaj saj është duke pasur luftë speciale si jashtë ashtu edhe brenda vendit, përcjell InLajmi.
Molliqaj gjithashtu ka shkruar se kur nuk e mbronë UÇK-në, i arrestojnë ata që e mbrojnë.
Ai gjithashtu ka reguar ndaj arrestimit të aktivistëve të partisë së tij duke thënë se dhuna ndaj tyre është dhunë e mosdurimit të pushtetit sa herë që i shplaoset pozicionit të tij të gabuar.
Kreu i PSD-së ka thënë se ku ky pushtet, me këtë mënyrë të të menduarit, u ka dhënë zemër fraksioneve brenda policisë që janë kundër UÇK-së.
Postimi i plotë i tij:
MBROJTJA E UÇK-SË ËSHTË DETYRË E KOHËS
Sot kur ndaj UÇK-së po bëhet luftë speciale, jashtë e brenda vendit, mbrojtja e saj është detyrë e kohës. Është mbrojtje e shtetit të Kosovës. Sepse nuk qëndron dot, e fortë dhe e sigurt, një ndërtesë që ia gërryejnë themelin.
Kur nuk e mbron UÇK-në, tashmë je rreshtuar. Ke marrë pozicion, kundër UÇK-së. Prandaj i arreston ata që e mbrojnë. Prandaj i mbron, i ngritë lartë, e u jep pozita atyre që e luftojnë.
Ndërkaq dhuna ndaj nesh, nuk është thjeshtë dhunë ndaj nesh. Është dhunë e mosdurimit të pushtetit sa herë që i shpaloset pozicioni i tij i gabuar.
Po ky pushtet, me këtë mënyrë të të menduarit, u ka dhënë zemër fraksioneve brenda policisë që janë kundër UÇK-së. U ka dhënë zemër të sillen dhunshëm ndaj kujtdo që është kundër qeverisë. Prandaj dhuna e shfrenuar.
Sot mbrojtja e UÇK-së është detyrë e kohës. Është detyrë e secilit. Është detyrë që do të kryhet, pavarësisht çfarë dhune nxjerrë pushteti përballë. /InLajmi/
