Shkruan: Osman Goranci
I frymëzuar nga postimet/urimet, në rrjetet sociale të shqiptarëve anë e mbanë globit për Ditën e Flamurit, mendova të postoj ndonjë fotografi me Shqipen dykrerëshe. Por, në të gjitha fotot e mëhershme me Flamur dhe me Plis, isha pa MASKË!….
Dhe, nga frika se mund të më gjobisë Policia e Kosovës, vendosa që sot me 28 Nëntor 2020, meqë ishte mot me diell, t’ia mësyej Sheshit të LSHP-së, që të bëjë ndonjë fotografi!
– Përshëndetje BURRA! – Çudi! Ata, nuk ma kthyen përshëndetjen. – Tungjatjeta BURRA, – e ngrita paksa zërin.
– Pse po bërtet, o kosovar? Nuk jemi të shurdhër. – më foli Isa Boletini.
– Kërkoj falje zotëri Isë, kujtova se nuk më dëgjuat kur ju përshëndeta.
– Nga kush po fshihesh pas kësaj maske? – më ndërpreu Isa.
– Është Pandemi, një lloj virusi, për të cilin thonë se ka arritur nga Kina.
– Dale pak njëri. – mu drejtua Ymer Prizreni. – Pse i merrni nëpër gojë, kur ata me shekuj e mbrojtën Murrin Kinez,kurse ju Kosovarët, brenda 10 vjetësh, iu falët fqinjëve mbi 12 mijë hektar tokë Kosove.
– Sa e di unë zotëri Ymer, në pyetje janë rreth 8 mijë hectarë!…
– Po e harroni Debëldenë dhe vijën kufitare me Maqedoninë e Veriut? – reagoi Isa.
– Kosovar, jeni bërë politikuaj e tregtarë të pa kokë, – Foli Abdyli.
– A nuk po shihni se keni sjellë Miletin buzë të greminës? – pyeti Isa.
– O burra, këta e harruan edhe yotimin e dhënë shumë vite më parë; BAC U KRY – u tha Ymer Prizreni.
– Shumë zotime, ndaj famijarëve të viktimave të pagjatur, mësuesve, mantelbardhëve, pensionistëve. Intelektualëve dhe të rinjve të shkolluar, e të tjera, i kanë shkelur pa pardon. – reagoi Avdyli.
I penduar pse nuk ndejta në shtëpi, të postoj ndonjë urim për Ditën e Flamurit, nisa heshtur të largohem, kur u dëgjua zëri i Ymer Prizrenit.
– Ore kosovar, para se të ikësh, na thuaj pse erdhe këtu?
– Desha të bëjë disa fotografi për Ditën e Flamurit.
– Nuk e meritoni, – reagoi Isa Boletini.
– Lëre Isë. – Foli Ymer Prizreni. – Le të na fotografoj dhe t’ju dërgoj ndonjë foto gjithë Llidershipit dhe atyre në Parlamentin e Kosovës, të cilët, veç pagave të majme që marrin, sikur më parë edhe sivjet i bënë M!… jo vetëm votën e marrë nga Mileti, por edhe hakun dhe gjakun e derdhur për këtë vend.
Unë nuk fola më shumë, por shpejtë e shpejtë, e bëra një fotografi, dhe I ka vrap nga aty, duke u kujdesur se mos pahiri po zë n’thumb nga pakoja e AHTISARIT dhe të bie n’baltë!…
