Shkruan: Osman Goranci
I thashë mikut tim Ariut, i cili shpesh herë vjen në bibliotekën time dhe huazon ndonjë libër.
Kohë më parë e kishte në qejf leximin e librave të zhanreve të ndryshme. Mirëpo, në kohët e fundit si filluan të shkruajnë në rrjete sociale se një pjesë e madhe e lidershipit tonë, gjatë tërë jetës nuk kanë lexuar asnjë liber, komshiu im Arushani, fillo t’i huazoj nga unë edhe nga dy libra në javë. Gjithëherë ishte në qejf kur merrte libra të rinjë, por me 21 mars, mu në ditën e parë të pranverës, kur erdhi tek unë dukej shumë i lodhur dhe fytyrzbehtë. Dhe, në pyetjen time çfarë ka, ai u përgjigj.
– Komshi ka disa ditë që nuk po ndjehem mirë. Po djersitem, po stresohem dhe për çudi shumë po ofshaj para ekranit. Ka shumë natë që orë e çast po zgjohem nga gjumi duke i përsëritur fjalët e Gjergj Fishtës; “Ma kollaj është me i mbledh një thes pleshta, se me i bashku dy shqiptar”.
I hutuar nga gjithë këto vuajtje të komshiut tim. Morra frymë thellë dhe i fola me butësi.
– Ndoshta e ke nga leximi i tepërt. Duhet të pushon paksa.
– Po mundohem të pushoj bre komshi. Mirëpo, temperatura e lartë në gjithë trupin tim si dhe barkçitja, fare nuk po më lënë rehat. – Ma ktheu komshiu im.
– Hë, mos vallë edhe ti je infektuar!?
– Ëhë!… – E tundi kokën miku im Arushan!
– I ke bërë analizat?, – E pyeta nga frika se mund të pësoj edhe unë nga pandemia, #Covid 19#.
– Nuk është nevoja, ngase nuk jam infektuar. Jam OK sa i përket pandemisë. Kujtoj se për analiza të thella të AND-së së tyre, janë disa ANAL-ista që po paraqiten nëpër ekranet tona televizive!…
– Dale pak miku im. Je, apo nuk je i infektuar?, – E pyeta krejtësisht i hutuar.
– Jo nga #Coronavirusi#, por si duket jam infektuar nga virus bukur i rëndë, që burimin e ka nga “marifetet” e shumë politikuaj tanë.
– Dhe!?
– Po pres, derisa ndonjëri nga lidershipi ynë ta zbuloj dhe të fillojë të na injektojë antivirusin, #Mocioni 2020#, ndoshta shpëtojmë disi. Në të kundërtën, DJALLI po na pret!.
– O, lëre politikën dhe ktheju librave. Do të jesh më i mençur dhe më imun ndaj viruseve të tilla!, – U mundova edhe një herë ta këshilloj komshiun tim të lodhur, Ariun./InLajmi/
