Ballkani arkëton tri pikë të mëdha në luftë për kreun e tabelës. Skuadra nga Theranda ka pasur mungesë kryetrajnerin Ismet Munishi, pasi që është i suspenduar nga Komisioni Disiplinor i FFK-së, megjithatë triumfoi me rezultat 3:1 në ballafaqim me Flamurtarin e Prishtinës, në takimin e javës së 11-të të elitës së futbollit të Kosovës. Në minutën e 24-të, Blendi Baftiu shënon gol të bukur nga rreth 16-17 metra, 1:0 për Ballkanin.
Mysafirët protestuan ashpër, që sipas tyre Jetmir Topalli ka qenë në pozitë jashtë loje dhe e ka prekur i fundit topin! Por ishte e kot dhe nuk ndërroi mendjen gjyqtari. Pesë minuta pa përfunduar pjesa e parë e ballafaqimit, penallti për Flamurtarin.
Festim Krasniqi nuk u tregua i saktë nga penalltia, duke lëshuar mundësinë e artë për të barazuar shifrat. Në pjesën e dytë, në minutën e 59-të, Artur Magani me kokë godet bukur dhe shton epërsinë në 2:0, transmeton bota sot.
Në minutën e 64-të, Jetmir Topalli trefishon epërsinë (3:0), kurse mysafirët pas 7 minutave (71’) ngushtojnë rezultatin në 3:1 fal golit të Grançov. Ballkani është në vend të dytë me 23 pikë, ka një me pak se lideri Gjilani dhe Flamurtari renditet në pozitën e dhjetë me 9 sosh.
