Kombëtarja e Kosovës sot e luan edhe ndeshjen e fundit të muajit qershor, në kuadër të kualifikimeve për Kampionatin Evropian 2024.
“Dardanët” do të ndeshen me Bjellorusinë në stadiumin “Szusza Ferenc Stadion” në Budapest me fillim nga ora 20:45.
Të përzgjedhurit e trajnerit Alain Giresse synojnë vetëm fitoren ndaj Bjellorusisë e cila në 3 ndeshjet e para ka 3 humbje.
Kosova 3 ditë më parë mori vetëm një pikë nga ndeshja me Rumaninë në Prishtinë. Ata luajtën 0:0 në stadiumin “Fadil Vokrri”.
Kosova ka 3 pikë dhe renditet në pozitën e 4-të të Grupit I në kualifikimet për Evropian.
Bjellorusia është e fundit me asnjë pikë të grumbulluar, shkruan lajmi.net.
Kosova dhe Bjellorusia janë pjesë e Grupit I së bashku me Zvicrën, Izraelin, Rumaninë dhe Andorrën.
