Kryeministrja e Serbisë, Ana Brnabiq, tha se nuk ka pritshmëri, as të mira e as të këqija, nga vizita e paralajmëruar e këshilltarit të lartë të Departamentit Amerikan të Shtetit, Derek Scholl, në Beogra, transmeton InLajmi.
Sipas saj e vetmja gjë e mire është premtimi i SHBA-së për formimin e Asociacionit
“ E vetmja gjë që e rëndësishme në tavolinë është premtimi i Shteteve të Bashkuara të Amerikës se në janar do të fillojë formimi i Bashkësisë së Komunave Serbe. Kjo do të ishte shumë mirë, do të ishte zbatimi i Marrëveshjes së Brukselit”, tha Brnabiq për TV Pink
Brnabiq vlerësoi gjithashtu se “sulmet brutale dhe të paarsyeshme” ndaj presidentit të Serbisë Aleksnadr Vuçiq, përmes familjes së tij, nuk ndodhin rastësisht, por janë pjesë e një “fushate të tmerrshme presioni” para vizitave të paralajmëruara të diplomatëve ndërkombëtarë.
Ajo kujtoi edhe postimin nga Ministria e Jashtme gjermane se “plani i 2 Gjermanive nuk është një zgjidhje për Qipron, por një proces që do të ndodhte përmes Kombeve të Bashkuara dhe në përputhje me rezolutat e OKB-së”.
“ Për Serbinë kjo është alternativa e vetme. Ky është realiteti dhe ne duhet të punojmë në ato korniza dhe të mbrojmë interesat e Serbisë, ka theksuar Brnabiq./InLajmi/
