Ekipi i basketbollit polak ka mposhtur Holandën të marten në Pragë me 75:69 në xhiron e 4-të të Grupit D të Kampionatit Evropian, transmeton InLajmi.
Skuadra polake drejtohej nga Michal Sokolowski i cili shënoi 24 pikë, Aleksandar Balcerowski shënoi 16 pikë, 7 kërcime dhe 4 asistime dhe Jakub Garbach 10 pikë.
Në skuadrën holandeze më efektivi ishte Charlon Klough me 26 pikë dhe Janik Franke shënoi 13. Polonia ka 3 fitore dhe një humbje në Grupin D, ndërsa Holanda pësoi 4 humbje.
Në xhiron e radhës të enjten Polonia do të luajë kundër Serbisë, ndërsa Holanda kundër Finlandës. Gjithashtu, Kombëtarja e Estonisë e basketbollit mposhti në Assago Kombëtaren e Britanisë së Madhe me 94:62 në raundin e 4-të, të Grupit C.
Estonia kryesohej nga Henri Drel me 20 pikë, Sim-Sander Vene me 18 pikë dhe Mike Kotsar me 15 pikë dhe 8 kërcime. Në ekipin britanik më efektivi ishte Myles Hesson me 14 pikë, Carl Whittle shtoi 12 pikë e 11 kërcime dhe Patrick Whelan e mbylli ndeshjen me 12 pikë, shkruan Danas.rs.
Estonia arriti fitoren e parë në kampionat kurse Britania e Madhe pësoi humbjen e 4-të, shkruan Danas. Në xhiron e radhës të enjten Estonia do të luajë me Greqinë dhe Britania e Madhe me Italinë. /InLajmi/Sh.O./
