Një zyrtar policor është arrestuar sot në veri të vendit pasi dyshohet se ka dëmtuar dëshmi të cilat lidhen me laboratorin e drogës që u zbulua dje në Zveçan.
Bëhet e ditur se bëhet fjalë për kamerat e sigurisë dhe incizimet të cilat dyshohen se janë dëmtuar dhe zhdukur nga polici i arrestuar.
Polici i arrestuar dyshohet se ka qenë në sigurimin e vendit të ngjarjes pas përfundimit të aksionit, ku dyshohet se me qëllim të zhdukjes së gjurmëve për personat e implikuar në laboratorin e drogës, dëmtoi fizikisht kamerat dhe ka zhdukur DVR, shkruan Sinjali.
Lidhur me këtë rast, tashmë kanë nisur hetimet dhe janë duke u intervistuar edhe disa zyrtarë policorë.
