Sot në Kosovë pritet të mbajë mot i ndryshueshëm, paradite kryesisht me diell dhe vranësira lokale, ndërsa pasdite vonë pritet destabilizim i fuqishëm i atmosferës. Pritet të ketë zhvillime të fuqishme të vranësirave konvektive që do të kushtëzojnë rrebeshe lokale shiu me vetëtima, bubullimë dhe mundësi për breshër.
Vende-vende priten rrebeshe mjaft intensive, mundësi për breshrë dhe shkarkesa të fuqishme elektrike sidomos pasdite vonë dhe në mbrëmje.
Në Shqipëri, Maqedoninë Veriore, Luginë të Preshevës dhe Mal të Zi të Mërkurën pritet të mbajë mot me diell dhe vranësira lokale. Vranësirat pritet të marrin karakter zhvillim duke kushtëzuar rrebeshe lokale shiu me vetëtima dhe bubullimë, shkruan Meteo Ballkan.
Nga e Enjtja na pret mot me diell dhe vranësira lokale. Nganjëherë lokalisht priten zhvillime të rrebesheve të izoluara të shiut me vetëtima dhe bubullimë. Fundjava kryesisht me diell dhe stabile, por pak më e freskët.
