Jennifer Lopez e veshi kur shkoi në një studio vallëzimi. Sabrina Carpenter e zgjodhi për videoklipin e saj të ri “Manchild”. Një këmishë klasike, e lidhur në bel, mund të jetë veshja më e thjeshtë që do mbash këtë verë, por për çudi, sërish duket si një moment mode me ndikim. Një pjesë bazike që transformohet papritur në diçka me karakter.
Hidhe sipër një bikini, lidhe në bel dhe quaje një veshje për plazh. Ose kombinoje me xhinse të shkurtra dhe atlete për një xhiro.
Ky truk funksionon sepse nuk duket sikur po përpiqesh shumë. Një këmishë e bardhë apo me vija, e lidhur lirshëm mbi bark, jep ndjesinë e “nuk e kam menduar shumë këtë veshje”, edhe nëse e ke menduar mirë e mirë. Si adhuruese të kremit kundër diellit, na pëlqen që të mbulon krahët dhe shpatullat pa të bërë të kesh vapë.
Qartazi, si J.Lo, ashtu edhe Sabrina Carpenter e dinë fuqinë që ka një truk i thjeshtë stili.
