Robin Krasniqi mbrëmë plotësoi ëndrrën e tij 15 vjeçare, u shpallë kampion i botës, pasi mposhti me nokaut boksierin gjerman, Dominic Boesel.
Krasniqi e mbylli meçin në rundin e tretë, pasi e nokautoi kundërshtarin e tij Boesel me një goditje të fuqishme.
Pas këtij meçi ka reaguar edhe boksieri i madh kosovar, Luan Krasniqi, ai e ka cilësuar këtë meç si fitore të madhe, dhe e ka uruar Krasniqin për fitoren.
“Urime Robin Krasniqi për fitimin e titullit kampion Bote. Një fitore spektakolare. Shumë pak e besuan qe do ta arrish këtë. Ti mund të jesh shumë krenar për këtë”, shkruan ai, përcjell Indeksonline.
Kujtojmë se rekordi i Robin Krasniqit është 51 fitore, 6 humbje dhe 19 KO, ndërsa Boesel tani ka një rekord prej 30 fitoreve, 2 humbjeve dhe 12 KOs.
