Flamurtari nga sezoni i ardhshëm do jetë pjesë e Ligës së Parë të Kosovës në futboll, pasi nuk arriti mbijetesën në Superligë.
Në ndeshjen e javës së 33-të dhe të fundit për sezonin 2019/20, skuadra kryeqytetase pësoi humbje minimale (0-1) nga Gjilani.
Flamurtari e mbylli sezonin në pozitën e nëntë me 43 pikë, duke mos arritur mbijetesën dhe nga sezoni i ardhshëm do jetë pjesë e Ligës së Parë.
Pas ndeshjes së sotme, klubi kryeqyteas përmes një postimi në ‘Facebook’ ka akuzuar gjyqtarët që sipas tyre janë të shitur dhe disa klube që kanë dhuruar shuma të mëdha parash që Flamurtari të mos fitoi pikë sot.
“Faleminderit të gjithë ata që kan suportuar dhe përkrahur KF FLAMURTARI edhe këtë pjesë të dytë të superligës. Loja kundër Gjilanit jo e leht për tu fituar kur aty ka dhe refer të shitur, pa harruar disa nga klubet e tjera qe sot kan fituar shuma të mëdha parash për të mos fituar pikë, këtë betej e humbëm duke luftuar me të gjitha mundësit që kemi. Ne si klub kemi luftuar shumë, por me të drejt apo pa të drejt ne sot u perballëm me këtë situat të vështirë e cila na ka forcuar edhe më shumë” – thuhet në postimin e KF Flamurtarit.
