Keanu Reeves, 60 vjeç, bëri një hyrje mbresëlënëse në premierën e dokumentarit “Wick Is Pain”, duke mbërritur me një motoçikletë të prodhuar nga kompania e tij Arch Motorcycle.
Dokumentari, i cili tregon sfidat pas krijimit të filmit origjinal “John Wick” më 2014, u shfaq premierë në Beyond Fest në Los Angeles.
I veshur me një xhaketë motoçiklisti dhe një shall të kuq që binte në sy, aktori konfirmoi statusin e tij si ikonë e stilit dhe aksionit,
Filmi, që do të dalë në platformat digjitale të premten, hedh dritë mbi rrugën e vështirë drejt suksesit të një prej sagave më të njohura të kinemasë moderne.
Në jetën personale, Keanu vazhdon lidhjen e tij të gjatë me artisten vizuale Alexandra Grant, 52 vjeçe.
Dyshja janë njohur në vitin 2009 dhe kanë bashkëpunuar në disa projekte letrare para se të zyrtarizonin lidhjen e tyre në publik më 2019, shkruanDailyMail.
Edhe pse kanë qëndruar larg vëmendjes mediatike, Grant ka folur për rëndësinë e dashurisë dhe ruajtjen e privatësisë: “Dashuria në çdo nivel është thellësisht e rëndësishme për identitetin tim,” ka thënë ajo për British Vogue, transmeton Telegarfi.com
“E vlerësoj thellësisht përvojën e të qenit në një marrëdhënie”.
Reeves, i njohur për jetën e tij të rezervuar, është kthyer në simbol të përulësisë në Hollywood, pavarësisht tragjedive personale dhe famës së jashtëzakonshme. Ai vazhdon të fitojë zemrat e fansave me sinqeritetin dhe përkushtimin e tij, si në ekran ashtu edhe jashtë tij.
