Brad Pitt ka thënë se do të ishte i hapur për të punuar përsëri me kolegun e tij Tom Cruise, por vetëm me një kusht.
Në një intervistë të re me E! News, Pitt fillimisht tregoi se ai dhe Cruise garuan së bashku mego-kart(gara në pista të mbyllura), pas xhirimeve të filmit “Interview With the Vampire” në vitin 1994, duke theksuar se dyshja kanë raport shumë të mirë.
Por, kur gazetari e pyeti se çfarë do të duhej për t’i parë të dy në një film përsëri së bashku, Pitt shpjegoi rregullin e tij të vetëm.
“Nuk dua të rri në ajër, duke u kapur te ndonjë helikopter, apo gjëra të tilla, ndaj do të punojmë së bashku kur ai të bëjë përsëri diçka praktike”, tha ai me humor.
Tom Cruise ka shprehur vlerësimin për filimin e fundit të Brad Pitt, “F1”, duke e cilësuar si të realizuar mjaft mirë.
Regjisori i “F1”, Joseph Kosinski, ishte gjithashtu regjisor i filmit “Top Gun: Maverick” në vitin 2022, me protagonist Tom Cruise, i cili fitoi 1.5 miliardë dollarë, duke e bërë atë suksesin më të madh të karrierës së Cruise deri më sot.
Nga ana tjetër, nuk kanë munguar as krahasimet mes dy aktorëve. Graham Kelly, menaxheri i automjeteve në “F1”, ishte pak më i drejtpërdrejtë në lidhje me atë që do të kishte ndodhur nëse Cruise do të kishte luajtur në film në vend të Pitt.
“Do të kishim debate. Tom e çon deri në limit skenën. Pra, me të vërtetë deri në limit. Kjo më frikëson”, tha ai . “Ndërsa Brad dëgjon dhe i di aftësitë e tij, ndaj mendoj se ai ndonjëherë thotë: “Po, nuk do ta bëj këtë skenë”.
“Interview With the Vampire” është një film horror gotik amerikan i vitit 1994, me regji nga Neil Jordan, i bazuar në romanin e vitit 1976 me të njëjtin emër nga Anne Rice. Në rolet kryesore janë Tom Cruise dhe Brad Pitt. Filmi rrëfen jetën e dy vampirëve, Lestat dhe Louis, si dhe transformimin e një vajze të re Claudia (luajtur nga Kirsten Dunst) në vampir.
