Kryetari i AAK-së Ramush Haradinaj, ka shtruar iftar për Bashkësinë Islame të Kosovës për nder të muajit të shenjtë të Ramazanit, përcjellë InLajmi.
Ai ka shprehur mirënjohjen për kontributin e çmuar që BIK ka dhënë në të gjitha etapat drejt lirisë pavarësisë dhe shtetndërtimit.
Haradinaj ka uruar agjërim të lehtë, begati dhe mirëqenie për çdo familje.
Postimi i plotë i tij:
Iftari tradicional për nder të Bashkësisë Islame të Kosovës, sonte na bashkoi në Selinë e Aleancës me Myftiun Naim Tërnava e bashkëpunëtorë, e gjithashtu edhe me partnerët e koalicionit, Nisma, Lista Konservatore dhe Forumi E-30.
Shpreha mirënjohjen për kontributin e çmuar që BIK ka dhënë në të gjitha etapat drejt lirisë, pavarësisë dhe shtetndërtimit, kontribut ky që vazhdon ta japë edhe sot.
Agjërim të lehtë, begati dhe mirëqenie për çdo familje!/InLajmi/
