19 vjeçari Enis Hoti, nënshkruan kontratë profesionale me KF Llapin për 3 vitet e ardhshme, përcjell InLajmi.
Sulmuesi anësor Enis Hoti është transferuar këtë afat kalimtar nga skuadra e Malishevës U21, i cili ka spikatur me paraqitje në sezonin vjeshtor duke shënuar 3 gola dhe asistuar 7 herë.
Në njoftimin e KF Llapit thuhet se Hoti i bashkohet vargut të shumë futbollistëve tjerë premtues që klubi veç se i ka nën petkun e vet me kontrata profesionale.
Ata gjithashtu i uruan suksese sulmuesit anësor me ekipin bardhë e kaltër.
Njoftimi i plotë nga KF Llapi:
Enis Hoti nënshkruan kontratë profesionale me Llapin.
Sulmuesi anësor, Enis Hoti, i transferuar këtë afat kalimtar nga skuadra e Malishevës U21, ka nënshkruar kontratë profesionale me Llapin për 3 vitet e ardhshme.
19-vjeçari ka spikatur me paraqitje në sezonin vjeshtor duke shënuar 3 gola dhe asistuar 7 herë.
Hoti i bashkohet vargut të shumë futbollistëve tjerë premtues që klubi veç se i ka nën petkun e vet me kontrata profesionale.
I dëshirojmë suksese Hotit me ekipin bardhekaltër, shëndet dhe shumë gola. /InLajmi/
