Bashkimi ka arritur ta mposhtë Pejën për t’u kualifikuar në gjysmëfinale të Final 8 Kupës së Kosovës.
Ishte kjo një ndeshje fantastike, një spektakël në fillim të ndeshjes dhe një show i vërtetë nga 2 tifozeritë.
Për më shumë se 3 çerekë Bashkimi pati epërsinë dhe kontrollin e lojës, por në çerekun e 4-t Peja doli për herë të parë në epërsi. Seria e mirë e Bashkimit në fund ndikoi që prizrenasit të ruajnë gjakftohtësinë dhe të kualifikohen.
Te Bashkimi 5 lojtarë shënuan pikë dyshifrore duke pasur kontribut të balancuar të gjithë ekipit çka edhe ndikoi që klubi portokall e zi të sigurojë këtë fitore jashtëzakonisht të madhe, shkruan Lajmi.net.
Në gjysmëfinale Bashkimi e pret fituesin e duelit Prishtina vs P.C. Prizreni që zhvillohet nga ora 20:00.
