Pas deklaratave të Kurtit se sulme të tjera janë duke u planifikuar në veri të Kosovës, KFOR ka reaguar duke njoftuar se janë duke patrulluar bjeshkëve të Leposaviqit, përcjell InLajmi.
Në njoftimin e bërë nga KFOR thuhet se ky patrullim sigurie është bërë nga ushtarët amerikanë nga Komanda Rajonale e Lindjes. Më tutje KFOR thekson se janë të fokusuar plotësisht që të zbatojnë misionin e tyre për të garantuar një mjedis të sigurtë për të gjitha komunitetet që jetojnë në Kosovë.
Njoftimi i plotë:
Ushtarët amerikanë të Komandës Rajonale të Lindjes RC-E kanë kryer një patrullim sigurie afër Leposaviqit.
KFOR është i fokusuar plotësisht që çdo ditë të përmbush mandatin e tij të bazuar në Rezolutën 1244 të 1999 për të siguruar një mjedis të sigurt për të gjitha komunitetet që jetojnë në Kosovë dhe liri të lëvizjes. /InLajmi/
