Në prag të festave të Nëntorit, ambasadori i ri i Shqipërisë në Kosovë, Petrit Malaj pritet në takim nga kryetari i Partisë Demokratike të Kosovës, Memli Krasniqi, përcjell InLajmi.
Krasniqi e përdori këtë takim për ti ururar detyrën e re ambasadorit Malaj si edhe ofroi bashkëpunimin e PDK-së gjatë mandatit.
Postimi i plotë i tij:
Në prag të festës sonë të madhe kombëtare – 28 Nëntorit, kisha nderin dhe kënaqësinë ta mirëpres në Partinë Demokratike të Kosovës, ambasadorin e ri të Shqipërisë në Kosovë, Petrit Malaj.
Duke i uruar suksese dhe punë të mbarë në detyrën e re, ambasadorit Malaj i shpreha urimet më të përzemërta për 111 vjetorin e Pavarësisë së Shqipërisë.
Ambasadorit Malaj i ofrova bashkëpunimin e plotë të PDK-së gjatë mandatit të tij. Bashkë ritheksuam nevojën dhe rëndësinë për thellimin e mëtutjeshëm të raporteve vëllazërore mes Kosovës dhe Shqipërisë./InLajmi/
