Për shkak të 111 vjetorit të pavarësisë së Shqipërisë, kryeministri i Kosovës, Albin Kurti ka bërë të ditur se do të qëndroj 2 ditë në Shqipëri, për festat e nëntorit, raporton InLajmi.
Kurti tha se do të marrë pjesë në një shfaqje teatrale ku edhe do të ndahen disa çmime.
Gjithashtu ai ka planifikuar edhe një vizitë në Vlorë ku do të mbajnë homazhe për dëshmorët dhe heronjtë.
Po ashtu kryeministri Kurti u shpreh se në të ardhmen do të ketë mbledhje të përbashkëta të qeverive.
Sigurisht se do të kemi edhe mbledhje të qeverive në të ardhmen. Ndërkaq, unë sonte do të jem në Tiranë, për shkak se teatrot tona do të japin një shfaqje përmbyllëse me regji të Ilir Bokshit dhe njëkohësisht do të japin edhe çmimet përkatëse. Ndërkaq, nesër do të jem në Vlorë, ku do të bëjmë homazhe, nderim për panumër dëshmorë e heronj të cilët sakrifikuan që të jemi të lirë e të bashkuar. Deri më tani kemi 184 marrëveshje dhe nuk ka asnjë qeveri në Kosovën e pavarur e cila ka bërë më shumë marrëveshje dhe zbatim të tyre sesa kjo e jona për rreth 2/3 e mandatit”, ka thënë ai.
Ndërkohë i pyetur nga gazetarët, Kurti nuk u përgjigj nëse do të ketë një takim me kryeministrin Edi Rama gjatë kësaj vizite në Shqipëri. /InLajmi/