Lionel Messi e ka rigjetur lumturinë në Shtetet e Bashkuara të Amerikës.
Argjentinasi po vazhdon të dhurojë spektakël në çdo ndeshje.
Në çerekfinalen e Kupës së Ligës, Inter Miami triumfoi 4:0 ndaj Charlotte, duke e siguruar kështu fazën gjysmëfinale.
E Leo Messi kontribuoi me një gol dhe shumë pasime kyçe.
7 herë fituesi i Topit të Artë realizoi golin e 4, duke shënuar kështu në 5 ndeshjet që ka luajtur me Inter Miamin, shkruan GazetaExpress.
“Pleshti” ka vendosur rekordin e radhës në karrierën e tij brilante, duke u kthyer në futbollistin e parë që shënon 8 gola në 5 takimet e para me një ekip të ri.
