Kryeministri i Shqipërisë, Edi Rama i shoqëruar nga vajza e ish-presidentit të SHBA-ve, Donald Trump, Ivanka Trump dhe bashkëshorti i saj Jared Kushner, kanë vizituar Muzeun Kombëtar të Përgjimeve “Shtëpia me Gjethe”, përcjell InLajmi.
Muzeu Kombëtar i Përgjimeve “Shtëpia me Gjethe” përmes një njoftimi bëri të ditur se ata lanë edhe përshtypjet e tyre për këtë vizitë në librin e përshtypjeve.
Njoftimi i plotë i Muzeut Kombëtar të Përgjimeve “Shtëpia me Gjethe”.
Kënaqësi të prisnim në muze Kryeministrin e Shqipërisë, z Edi Rama, Ivanka Trump dhe bashkëshortin e saj, Jared Kushner, të cilët vizituan Muzeun Kombëtar të Përgjimeve “Shtëpia me Gjethe”. 🇦🇱🇺🇲
Në fund të vizitës z. Kushner la këtë shënim në Librin e Përshtypjeve:
“Ju falënderoj për mikpritjen kaq dashamirëse dhe që ndatë me ne historinë e shtypjes së Shqipërisë për ta kuptuar më mirë transformimin e jashtëzakonshëm, dëshmitarë të të cilit jemi ne sot. Le të mësojë dhe populli im nga ky muze që këto tmerre të mos përsëriten më!”.
Ndërsa Ivanka Trump u shpreh:
“Faleminderit. Gjithë të mirat për të dy vendet tona Amerika & Shqipëria”. /InLajmi/
