Agim Shahini nga Aleanca Kosovare e Bizneseve ka folur për Anketën e Pulsit Publik, të publikuar nga UNDP, ku raportoi se 82.19% e qytetarëve të Kosovës nuk janë të kënaqur me drejtimin ekonomik të vendit.
Shahini në një prononcim për GazetaBlic tha se ky raport është kontradiktor dhe në kundërshtim me numrin e votuesve.
“E kam lexuar këtë përceptim dhe kjo është në kundërshtim të madhë me numrin e votuesve që janë 50%. Kjo është shumë kontradiktore se çfarë po ndodhë në Kosovë”, tha ai.
Por, sipas Shahinit nëse një raport i tillë është i vërtetë atëherë Kosova është në gjendje të rëndë ekonomike.
“Nëse e marrim se kjo është e vërtetë, atëherë neve na del që vërtetë Kosova është në gjendje të rëndë ekonomike, sociale dhe politike. 80% duhet të ndryshohet politikat aktuale që janë të zbatueshme, për t’u ndryshuar të gjitha këto politika vërtetë është një mund i madh dhe është një sakrificë e madhe”, tha Shahini.
Shahini thotë se për të dal nga kjo gjendje, duhet të bëhen reforma të mëdha.
