Kryetari i Shoqatës së Naftëtarëve të Kosovës, Fadil BerjaniFadil Berjani, ka reaguar ndaj spekulimeve që janë përhapur në disa media lidhur me një rritje të mundshme ekstreme të çmimit të naftës, duke i quajtur ato “të pavërteta dhe të qëllimshme”.
“Nuk ka asnjë shans teorik që nafta të arrijë çmimin prej 10 eurosh për litër. Këto janë gënjeshtra të qëllimshme që po përhapen për të krijuar panik tek qytetarët,” – tha Berjani.
Ai për GazetaBlic theksoi se megjithëse tregjet globale të naftës po përballen me luhatje për shkak të situatës së tensionuar mes Iranit dhe Izraelit, çmimet në Kosovë vazhdojnë të jenë më të ulëtat në rajon dhe nuk ka arsye për alarm.
“Pavarësisht lëvizjeve në bursë, qytetarët tanë po furnizohen me çmimet më të volitshme në rajon. Nuk ka nevojë për panik,” – shtoi ai.
Çmimet me pakicë në pikat e karburantit:
Dizel: 1.15€ – 1.24€ për litër
Benzinë: 1.16€ – 1.25€ për litër
Çmimet me shumicë nga importuesit:
Dizel: 1.11€ për litër
Benzinë: 1.12€ për litër
