Kryeministri i Kosovës, Albin Kurti,nuk ka takuar asnjëherë tregoi se pse nuk është takuar me të gjithë kryetarët e komunave veriore, përcjell InLajmi
Kurti tha se po të takohet me ta, u thotë të shkojnë në punë dhe jo të mos shkojnë në punë.
“Natyrisht që unë i njoh ata, i kam takuar jo të gjithë, në njërën prej pritjeve e kam takuar dhe kryetarin e Komunës së Zveçanit, mund t’i takoj, por tash nuk e di sa është i këndshëm takimi me mua, sepse kur takohen njerëzit me mua unë iu them shkoni në punë, jo mos shkoni në punë”, deklaroi Kurti
Ai tha se këtu qëndron problemi lidhur me takimin me kryetarët e këtyre 2 komunave. Madje, ai pati edhe një deklarim thumbues për kryetarin e Partisë Demokratike të Kosovës, Memli Krasniqi.
“Pra takimi me mua nuk është a ka takim a s’ka takim, problemi është që unë të them me shkuar në punë, se po të ecë rroga, kur të ecë rroga, duhesh me shkuar në punë, e këtu ndoshta është një lloj vështirësie edhe dallimi me kryetarin e partisë që ka zhvilluar takim të këndshëm atje”, tha Kurti. /InLajmi/
