Sulmuesi Muhamet Hyseni është transferimi më i fundit i skudrës së Llapit në afatin kalimtar të verës.
Hyseni ka nënshkruar kontratë 3 vjeçare me klubin nga Podujeva.
22-vjeçari ka qenë edhe më parë pjesë e Llapit, ndërsa në 2 vitet e fundit ishte pjesë e Malishevës dhe Feronikelit ’74.
“Sulmuesi 22 vjeç, Muhamet Hyseni pas 2 vitesh të kaluara tek Malisheva e Feronikeli ’74, rikthehet sërish në shtëpinë e tij”.
“Golashënuesi më i mirë i Feronikeli ’74 me 16 gola e 6 asistime, në prani të Drejtori Sportiv, Mentor Zhdrella, ka firmosur kontratë 3 vjeçare”, shkruan Lajmi.net
“Hyseni është ndër futbollistët që ka kontribuar në fitimin e Kupës së parë duke shënuar penaltinë vendimtare që ia sjelli klubit tonë trofeun e parë pas 89 vitesh klub” thuhet ndër tjerash në njoftimin zyrtar.
