Ballkani për herën e 2-të është shpallur kampion i Superliës së Kosovës në futboll, ku 2 skuadra të mëdha, Milan dhe Dinamo e Zagrebit i kanë dërguar telegram urimi, përcjell InLajmi.
Kjo u bë e ditur nga skuadra suharekase përmes një njoftimi ku thanë se është nder i madh që të përgëzohemi prej njërit nga klubet më të trofeshëm dhe ikonik në botë, AC Milan dhe Dinamo Zagreb.
Nhs ekipi thane se kjo ka një peshë shumë të madhe, jo vetëm për lidhjet tona historike me popullin kroat, por edhe si një klub shembull që punon dhe nxjerrë talentë të jashtëzakonshëm, të cilët pushtojnë klubet më të mëdha në botë.
Njoftimi i plotë nga FC Ballkani:
Të dashur tifozë,
Kemi kënaqësinë që 2 klube me traditë të futbollit evropian, na kanë dërguar telegrame urimi, me rastin e triumfit për të 2 vit me radhë, në Superligën e Kosovës në futboll.
Është nder i madh për ne që të përgëzohemi prej njërit nga klubet më të trofeshëm dhe ikonik në botë, AC Milan. Njëkohësisht duke qenë se jemi në prag të ndeshjes së parë kualifikuese në Ligën e Kampionëve, të marrësh një urim nga gjiganti i 2-të për nga titujt në histori të Champions League, është motiv shtesë për secilin prej nesh që të japim gjithçka nga vetja, të paraqitemi sa më denjësisht në Evropë.
Njejtë, me nder e kënaqësi, kemi pranuar telegramin edhe nga klubi që ka shkruar historinë në futbollin e Kroacisë, Dinamo Zagreb. Madje për ne kjo ka një peshë shumë të madhe, jo vetëm për lidhjet tona historike me popullin kroat, por edhe si një klub shembull që punon dhe nxjerrë talentë të jashtëzakonshëm, të cilët pushtojnë klubet më të mëdha në botë.
Faleminderit dhe shumë respekt nga FC BALLKANI. /InLajmi/
