Edi Kastrati njihet për role të shumta në shfaqje e filma mjaft të suksesshëm, shkruan InLajmi.
Për të folur më shumë rreth aspektit të tij profesional dhe sukseseve Edi këtë javë vjen në një intervistë ekskluzive për gazetën InLajmi.
InLajmi: Teatri apo filmi ku e gjeni vetën tuaj më shumë?
Edi Kastrati: Më tepër e gjej vetën në Teatër sepse aty është çdo gjë e gjallë dhe reale, të them të drejtën nuk mendoj se punohet mjaftueshëm për filmin dhe ndoshta edhe kjo është njëra prej arsyeve.
InLajmi: Cila ishte shfaqje parë që ju dhuroi të drejtën për të treguar talentin dhe a ishte motiv për të ecur përpara?
Edi Kastrati: Shfaqja e parë ? Tepër herët, në moshën e re shumë, diku në klasën e 4 fillore, shfaqje për fëmijë.
InLajmi: Cili është roli që nuk do ta pranonit kurrë të luanit?
Edi Kastrati Nuk kisha më pranua diçka antikombëtare për asnjë çmim.
InLajmi: Tash e sa vite pjesë e skenës, a keni ndonjë rol qe i keni ra pishman pasi e keni luajtur?
Edi Kastrati: Jo deri më tash nuk jam bërë pishman për asgjë në jetë.
InLajmi: Por a ka ndonjë film apo shfaqje që ua ka ndryshuar jetën?
Edi Kastrati: Jo jetën është tepër zor të na ndryshojë diçka që e kemi profesion dhe e trajtojmë profesionalisht, aktrimi është vetëm një profesion si të gjitha profesionet tjera.
InLajmi: Roli i gjakovarit tek seriali “o sa mirë” sa ju ka ndikuar edhe në jetën e përditshme?
Edi Kastrati: Jo nuk mendoj se më ka ndikuar aspak në jetën time personale, sikurse asnjë personazh tjetër.
InLajmi: Cilat janë sfidat më të shpeshta që përballeni ju si aktor?
Edi Kastrati: Sfidat më të mëdha për aktorët janë kur përballen me regjisorë të pa talentuar dhe që nuk e dinë se çka donë, gjithashtu kur përballemi më politikën.
InLajmi: Cili kish me qenë mesazhi juaj për aktoret e rinj?
Edi Kastrati: Mesazhi im për aktoret e rinj është, duajeni profesionin e juaj, mos e përbuzni, jepni dashuri dhe respekt e sidomos për gjeneratat që janë pak më të mëdhenj se ju, punoni punoni dhe vetëm punoni. Libona Gegaj /InLajmi/
