Kosova më 16 qershor do të luajë kundër Rumanisë, në kuadër të kualifikimeve për “EURO 2024”, ndeshja kjo e cila luhet në stadiumin “Fadil Vokrri” me fillim nga ora 20:45.
Federata e Futbollit të Kosovës ka bërë të ditur se biletat për këtë lojë kanë dal në shitje.
Ato do të shiten në mënyrë online, e çmimi i tyre do të jetë: Veri dhe Jug 5 euro, Lindje 10 euro, Perëndim 20 euro dhe VIP 80 euro.
FFK ka njoftuar po ashtu edhe me procedurat që duhet të ndiqen për të blerë biletat.
Bëhet e ditur se një person mund të blejë deri në 4 bileta.
Fillimisht ju duhet të regjistroheni në platformë.
Mandej zgjidhni tribunën e stadiumit dhe më pas e selektoni ulësen e preferuar.
Pasi t’i zgjedhni biletat, vazhdoni me pagesën online, shkruan Sinjali.
Bileta patjetër duhet të jetë e printuar në formatin A4, printimi duhet të jetë i kualitetit të lartë.
