Kombëtarja e Kosovës mbrëmë barazoi 1 me 1 ndaj Andorrës në ndeshjen e vlefshme për fazën para-kualifikim në Euro 2024.
Në minutat e fundit, “Dardanët” sulmuan pandërprerë për të shënuar golin e fitores, por nuk e arritën dhe kështu siguruan vetëm një pikë në stadiumin “Fadil Vokrri”.
Trajneri Alain Giresse është në ndeshjen e mbrëmshme nuk e futi në listën e lojtarëve, sulmuesin Albion Rrahmani. Ky i fundit ishte duke shikuar ndeshjen nga tribunat dhe ishte i ngritur në këmbë duke përcjellë momentet e fundit, shkruan Lajmi.net.
Sulmuesi i Ballkanit gjatë këtij sezoni në Superligë ka zhvilluar 23 ndeshje, ka shënuar 14 gola dhe ka bërë 3 asiste. Ai ishte i ftuar te Kosova për 2 ndeshje, por në asnjërën nuk ishte në stol apo në formacionin startues.
