Të paktën 33 persona kanë vdekur pasi një anije migrantësh u mbyt në brigjet lindore të rajonit të Kalabrisë të Italisë, transmeton InLajmi.
Rreth 27 trupa të viktimave u gjetën në brigjet e Steccato di Cutro, një vendpushim bregdetar në provincën e Crotone.
Numri i viktimave pritet të rritet.
“Disa të vdekur janë raportuar në mesin e emigrantëve, dhe rreth 40 të mbijetuar,” shkroi departamenti kombëtar i zjarrfikësve.
Raportohet se më shumë se 100 persona ishin në bordin e anijes, shkruan Gulf News.
Anija, që sillte emigrantë nga Irani, Pakistani dhe Afganistani, besohet se u përplas me shkëmbinj gjatë motit të ashpër në det. /InLajmi/
