Fanella e LeBron James, e veshur gjatë gjysmës së parë të lojës së 7 të finaleve të NBA 2013, u shit për 3.7 milionë dollarë, duke u bërë e 3-ta më e shtrenjtë e shitur në ankand të Sotheby’s.
Është fanella më e shtrenjtë e James e veshur në lojë, por është poshtë asaj të finaleve të NBA në 1998-ës të Michael Jordan (10.91 milionë dollarë) dhe “Hand of God” të Diego Maradonas (9.28 milionë dollarë), shkruan Kult Plus.
Në natën që James veshi këtë fanellë, ai shënoi 37 pikë, rrëmbeu 12 kërcime dhe pati 4 asistime teksa Miami Heat eliminoi San Antonio Spurs në ndeshjen 7.
