Kryetari i Lidhjes Demokratike të Kosovës, Lumir Abdixhiku, i është drejtuar ekzekutivit me 2 kërkesa, raporton InLajmi.
Abdixhiku, në seancën e Kuvendit të Kosovëska ka thënë haptas që duhet të shkarkohet ambasadori i Kosovës në Kroaci, Martin Berishaj pasi siç raportohet ky i fundit është përfshirë në shpërlaje parash.
“I pari ka të bëjë më një ambasador të Kosovës në Kroaci dhe gjithë amnistinë bllanko të dhënë nga pushtetarët. Ky ambasador është i lidhur jo vetëm politikisht, por edhe financiarisht me mbrojtësit e tij. Ambasadori ka 2 kallëzime penale, por ai vazhdon të marrë mbështetje”, tha Abdixhiku.
Tutje ai ka thënë së dëshira e 2-të e tij është kërkim falja e kryeministrit të Kosovës, Albin Kurti për deklaratën e tij për ish-politikanin serb Oliver Ivanoviq, të cilin e përkujtoi në 5 vjetorin e vdekjesm së tij.
“Skandali i 2-të lidhet me rehabilitimin e Ivanoviqit, i cili nga ky pushtet vlerësohet se ka kontribuuar për një Kosovë multientike. Ai ka qenë i dënuar më 9 vite burgim për vrasjen e 31 civilëve shqiptarë. Është turp, është monstrum politik që nuk guxojmë të lejojmë të ndodhë në Kosovë, teksa shikojmë këto 2 skandale, pyetja ime e vetme është për qytetarët e vendit, a është ndryshimi që kemi pasur nevoje të gjithë”, shtoi ai./InLajmi/
