Përfaqësuesit e boksierit britanik, Anthony Joshua, kanë konfirmuar se 2 herë kampioni i peshave të rënda ka rënë dakord që përballja me Tyson Fury-n të zhvillohet më 3 dhjetor.
Fury e lëshoi sfidën ndaj rivalit të tij javën e kaluar dhe i dha Joshuas 2 data për të zgjedhur: 26 nëntorin, në stadiumin Wembley, ose 3 dhjetorin, në stadiumin “Principality” të Cardiffit. Joshua e ka pranuar të 2-tën.
“Mund të konfirmojmë, në emër të Anthony Joshuas se i pranuam të gjitha kushtet e paraqitura nga ekipi i Fury-t për një përballje më 3 dhjetor të premten e kaluar,” tha ai.
“Për shkak të vdekjes së Mbretëreshës, u ra dakord të ndalohej i gjithë komunikimi. Ne jemi në pritje të një përgjigjeje.”
Promotori i Fury-t, Frank Warren, u përgjigj:
“Kontrata do të jetë gati për ju shumë shpejt.”, shkruan Super Sport.
Fury dhe Joshua do të përplaseshin vitin e kaluar, por një panel arbitrazhi vendosi që Fury duhej të përballej me Deontay Wilder për të 3-tën herë.
