Nënkryetari i Kuvendit, Enver Hoxhaj ka thënë se mjegulla evropiane e krijuar për liberalizimin e vizave për Kosovën është një “koncentrat hipokrizie” dhe diskriminim i ngritur në paranoja dhe paragjykime, përcjell InLajmi.
Hoxhaj theksoi se pavarësisht se edhe Komisioni dhe Parlamenti Evropian e kanë konfirmuar disa here që Kosova i ka plotësuar kriteret, vendi ynë ka mbetur prapë pa liberalizim.
Deputeti e quajti këtë si “mjerim politik”.
Postimi i plotë i tij:
Mjegulla evropiane e krijuar për liberalizimin e vizave është një koncentrat hipokrizie dhe diskriminim i ndërtuar në paranoja dhe paragjykime! Disa herë Komisioni dhe Parlamenti Evropian nga viti 2018 kanë konfirmuar që Kosova ka plotësuar të gjitha kriteret! Çfarë dëgjoj dje dhe sot rreth ndonjë udhërrëfyesi të ri, është mjerim politik, gjë që ju kam thënë për shumë kohë kolegëve të mi evropianë! /InLajmi/
