Aktori dhe regjisori, Sokol Plakolli ka protestuar para ndërtesës së Qeverisë së Kosovës, sepse sipas tij janë vjedhur pikët në konkursin publik për drejtor artistik të Teatrit Kombëtarë, përcjell InLajmi.
Plakolli ka thënë se në kamuflim të pikëve të vjedhura për këtë konkurs publik, nga ministria është anuluar konkursi.
Sipas Plakollit, ministri Hajrulla Çeku duhet të mbajë përgjegjësi penale para tij, ngase sipas aktorit, 3 herë radhazi KD i TKK ka realizuar shkelje ligjore deri në vjedhje pikësh në konkurs publik gjë për të cilën ka aktori ka fakte.
Tutje Pllakolli i është drejtuar Albin Kurtit duke ja vënë në kundërshtim deklaratën e këtij të fundit që ka thënë se në kohën kur ai do të jetë kryeministër nuk do të ketë shkelje ligjore në konkurse publike.
Postimi i plotë, i tij:
Dita e 5-të e protestës.
Protestë kundër vjedhjes së pikëve në konkurs publik për Udhëheqës Artistik të TKK së
Albin Kurti:
“Nuk do të ketë dallavere në konkurse publike gjatë kohës sa unë do të jem kryeministër”
Ndërsa Hajrulla Çeku dhe KD i TKK së mbajë përgjegjësi penale para meje, ngase për të paktën 3 herë radhazi KD i TKK së kanë realizuar shkelje ligjore deri në vjedhje pikësh në konkurs publik gjë për të cilën ka fakte. Dhe ministri nuk ka ndërmarrë asnjëherë, asnjë hap ndaj këtyre shkelje të verifikuara.
Kjo pozitë vazhdon të mbetet e hapur nga viti 2019 dhe nga atëherë, për 6 herë radhazi është anuluar ky konkurs publik.
Sokol Plakolli/InLajmi/
