Në komunën e Zveçanit është shkatërruar laboratori i kultivimit të substancave narkotike nga Policia e Kosovës, e cila ka sekuestruar mbi mbi 2.000 fije kanabis, përcjell InLajmi.
Gjithashtu gjatë aksionit të policisë janë arrestuar 3 shtetas serb të Serbisë dhe 1 shtetas serb i Kosovës.
Ministri i Punëve të Brendshme, Xhelal Sveçla, përmes një postimi në facebook ka thënë se këto aksione do të vazhdojnë me intensitet të shtuar dhe të pakompromis, në mënyrë që të luftohet secili individ apo grup, që kryen veprime ilegale.
Postimi i plotë i tij:
Sapo është shkatërruar laboratori i radhës i kultivimit të substancave narkotike në Komunën e Zveçanit. Deri tash, nga Policia e Kosovës në vendin e ngjarjes janë sekuestruar mbi 2.000 fije kanabis, janë arrestuar 3 shtetas serb të Serbisë dhe 1 shtetas serb i Kosovës.
Vazhdojmë me intensitet të shtuar dhe pakompromis të luftojmë secilin individ apo grup, pa dallim dhe kudo në Kosovë, që përmes veprimtarive ilegale cënojnë jetën e qytetarëve tanë. /InLajmi/
