Kryeministri Albin Kurti gjatë një conference të mabjtur këtë të mërkurë së bashku me ministrin e Bujqësisë, Faton peci, u është drejtuar qytetarëve se Kosova ka rezerva të grurit dhe se nuk ka vend për panik, përcjell InLajmi.
Ndërsa qytetarëve të cilët kanë blerë miell me shumicë, e që nuk u nevojitet, kryeministri Kurti u ka bërë thirrje ta çojnë atë nëpër furra.
“Ka rezerva e rrjedhimisht nuk ka vend për panik. I ftoj qytetarët që të ndjehen të sigurt siç është edhe situata në vendin tonë. Unë i takova përfaqësuesit te Shoqatës së Mullistëve e më siguruan se në Kosovë edhe për dy muaj ka grurë që ende nuk është bluar e në muajin e kaluar kanë bluar grurë për tre muaj. Pra ka grurë 3 muaj plus dy muaj. Qytetarët që kanë blerë më shumë se që ju nevojitet ta çojnë miellin në furrë”, tha Kurti./InLajmi/
