Këtë të martë është miratuar nga ZRRE-ja vendimi për rritjen e çmimit të rrymës për ata që shpenzojnë më shumë se 800 kilovat, shkruan InLajmi.
Ndërkohë, sikur mos të mjaftonte vetëm kjo, po vazhdojnë të rriten çmimet e produkteve ushqimore, të karburanteve, të ujit e të shërbimit për mbeturinat.
Lidhur me rritjen e çmimeve, në një prononcim për Gazetën InLajmi ka folur njohësi i çështjeve ekonomike, Jakup Bellaqa.
Bellaqa thotë se kriza ekonomike po ndodhë për shkak të disa faktorëve.
“Ngritja e çmimeve të produkteve elementare është e dukshme sepse një nga faktoret është se nga ekonomia e pandemisë kemi kaluar në një fazë ku kriza ekonomike është thelluar edhe më shumë, sepse kjo krizë është globale dhe sigurisht është vërejtur ma shumë edhe në nivel rajonalë por edhe ne nivel kombëtarë”,tha ai.
Sipas tij, fakti se Kosova ka ekonomi më shumë importuese sesa eksportuese, shtyn rritjen e çmimeve, që normalisht se e rëndojnë xhepin e qytetarëve.
“Tek ne përpos ekonomisë se pandemisë është edhe një faktorë tjetër, se ne jemi ekonomi më shumë importuese sesa eksportuese andaj edhe kostoja e transportit është më e lartë, pastaj i shtohen edhe dogana, akciza, taksat, tatimet, si dhe sigurisht edhe një marzhë te fitimit ja shtonë subjekti që afaron sepse duhet të mbijetoj dhe të fitojë”,tha më tej njohësi i çështjeve ekonomike.
Më tek, Bellaqa tha se zgjidhja për të dalë nga kjo krizë ekonomike që e ka kapluar vendin është rritja e pagës minimale dhe asaj maksimale.
“Duhet të theksojmë se një ekonomi që është më shumë ka import sesa eksport, nuk është e mirë kjo rritje dhe ky inflacion është i importuar nga jashtë dhe këto çmime janë të papërballueshme për xhepin e qytetarit, sepse sipas të dhënave statistikore në vitin e kaluar, pra 2021 ka pasur diku rreth 5% deri 25% mesatarisht rritje të produkteve elementare, ndërsa dalja nga kjo krizë mendoj se duhet të ndodhë, miratimi i pagës minimale dhe të ngritët paga maksimale”,tha për fund Bellaqa./InLajmi/
