Pikërisht në Ditën e Shamisë, e cila shënohet çdo vit, me një shkurt, imami Labinot Maliqi ka kërkuar nga Qeveria e Kosovës që të hiqet ndalesa e Ministrisë së Arsimit për bartjen e shamisë në shkolla, përcjell InLajmi.
Madje, kjo sipas imamit Maliqi, po vazhdon të shkaktoj bullizëm tek vajzat që e bartin atë.
Më tej, ai ka kërkuar nga kryeministri Kurti që t’u përgjigjen kërkesës së tyre, e cila gjithashtu po ua mohon të drejtën për të praktikuar hapur besimin.
Ndryshe, për herë të parë në botë Dita e shamisë është shënuar në vitin 2013 dhe atë me propozim të Nazmie Khan nga New Yorku e cila ka dëshiruar të nxit jomyslimanet të mbajnë shamitë dhe të përjetojnë këtë përvojë.
Postimi i plotë i tij:
Edhe ndalesa e Ministrisë së Arsimit për bartjen e shamisë në shkolla, po vazhdon të shkaktoj #bullizëm tek ato vajza që e bartin atë.
Meqë kryeministri i Kosovës, Albin Kurti, tha mbrëmë se: “Jam i gatshëm t’i përgjigjem të gjitha kërkesave dhe nevojave të qytetarëve të Kosovës.” Atëherë, kërkoj që t’i përgjigjet kërkesës sonë 2 dekada e vjetër, duke e shfuqizuar ndalesën administrative të MASHT-it, e cila po vazhdon t’ua mohoj vajzave të drejtën e tyre kushtetuese për t’u shkolluar, dhe të drejtën kushtetuese për ta praktikuar hapur besimin e tyre./InLajmi/
