Austria bëhet shteti i parë evropian ku nga sot vaksinimi është i detyrueshëm për të gjithë personat mbi 18 vjeç.
Nga ligji përjashtohen ata që kanë arsye të veçanta mjekësore, gratë shtatzëna, dhe ata që kanë pak kohë që e kanë kaluar virusin.
Nëse nuk vaksinohen qytetarët do të gjobiten nga 600 në 3.600 euro. Edhe Gjermania është duke debatuar nëse vaksinimi duhet bërë i detyrueshëm.
Në të 2 shtetet por edhe në vendet e tjera evropiane nuk ndalen as protestat ku kundërshtohet qoftë vaksinimi por edhe masat kufizuese.
Rreth 2 javë më parë, Franca vendosi rregullin që detyron të gjithë të rritur mbi 18 vjeç në të bëjnë dozën përforcuese të vaksinës për të vijuar të përdorin certifikatën e gjelbër.
Rregulli shumë i debatuar u prezantua për të gjithë personat mbi 65 vjeç një muaj më parë. Fëmijët e moshës 12 deri në 17 vjeç janë të përjashtuar. Ndërkohë në Paris, mbajtja e maskës në hapësirat jashtë, nuk është më e detyrueshme. Një gjykatë pariziane pezulloi urdhrin përpara fundjavës, transmeton euronews.al.
Ndërkohë Holanda ka lëvizur në krahun e kundërt teksa prej ditësh ka nisur e lehtësimin e masave kufizuese.
