Para pak çastesh është ndarë nga jeta gazetari Hysni Syla, i cili një ditë më parë u godit nga një veturë në Mitrovicën e Jugut.
Lajmin për vdekjen e gazetarit e ka konfirmuar Drejtori i Emergjencës në QKUK, Naser Syla.
“Para rreth 30 minutash ka vdekur. Ka qenë në politraumë, gjendja e tij ka qenë e rendë dhe ka pësuar lëndime në krejt trupin”.
Sipas policisë, gazetari Hysni Syla, ishte në cilësinë e këmbësorit.
Ndërsa, pas aksidentit është arrestuar shoferi i veturës i cili dyshohet se aksidentin e ka shkaktuar nga pakujdesia, shkruan Gazeta Express.
Policia njofton se me vendim të prokurorit shoferi është dërguar në mbajtje.
