Koreja e Veriut ka lëshuar një raketë balistike në det, ka thënë ministri i Mbrojtjes i Koresë, transmeton InLajmi.
Nisja u raportua fillimisht nga roja bregdetare japoneze herët të mërkurën, përpara se të konfirmohej nga autoritetet e mbrojtjes në Seul më vonë.
OKB-ja e ka ndaluar Korenë e Veriut për testimin e armëve balistike dhe bërthamore.
Ky është lëshimi i parë i raketës nga Pheniani pasi udhëheqësi Kim Jong u zotua të forconte aftësitë mbrojtëse të vendit muajin e kaluar.
“Inteligjenca e Koresë së Jugut dhe ajo amerikane po analizojnë nga afër për detaje të mëtejshme”, tha në një deklaratë shefi i Shtabit të Përbashkët të Seulit (JCS).
Ministri japonez i mbrojtjes Nobuo Kishi tha se raketa balistike kishte fluturuar rreth 500 km (310 milje), shkruan BBC.
Nisja vjen disa ditë pasi Kim tha se Pheniani do të vazhdojë të forcojë aftësitë e tij të mbrojtjes për shkak të një mjedisi gjithnjë e më të paqëndrueshëm ushtarak në gadishullin Korean. /InLajmi/
